入行16年的龔嘉欣早前在《萬千星輝頒獎典禮2024》憑《企業強人》勇奪「最佳女主角」，首度封后吐氣揚眉。龔嘉欣早年更奪下「最佳女配角」和「最受歡迎電視女角色」獎完成「演藝大滿貫」，成績驕人。不過有眼利網民發現龔嘉欣IG聯絡方式有變，令一眾網民猜測疑似約滿TVB。

龔嘉欣今日（2/4）現身大埔出席活動，就事件接受《香港01》訪問時表示：「點解我會寫DM，係因為我唔想公開我經理人個私人電話號碼，始終都係佢嘅私隱，而呢個決定我係同佢商量過。同埋我經理人係有我IG帳號嘅密碼，佢隨時都可以登入幫我睇埋我啲嘢。（你奪視后係咪已經簽咗份長約？）冇喎。真係冇喎。（冇傾續約？）冇喎，真係喎。其實喺攞獎之前，好多工作都已經傾緊，到我攞咗獎之後，好多客戶都即刻落實，變咗到我攞咗獎之後，已經接咗5個廣告，都Keep住忙，反而我就冇留意其他嘢。（有冇留意合約幾時到期？）冇特別去留意，俾你講完我一陣返去睇睇先。」

龔嘉欣今日出席活動。（葉志明攝）