75歲黎彼得因流感入ICU　呼吸困難輸足兩包血

現年75歲的殿堂級填詞人黎彼得自從離巢TVB後，就在YouTube主持節目《玖噏秘笈》，不時大爆娛圈秘聞。不過節目已經有個多月未有更新，原來黎彼得因流感 入ICU 深切治療部，再次經歷過生死。

75歲黎彼得因流感入ICU。（陳順禎 攝）

黎彼得每個星期都會有吹水節目《玖噏秘笈》，但從2月頭拍完節目之後，回家睡覺，感覺到呼吸不暢順，身體有點不舒服，以為感冒，到第二天去睇醫生，經醫生照肺，肺有點花要入院檢查，入院繼續有呼吸困難，而駐診醫生就建議入ICU深切治療部，因入ICU比較嚴重，醫院就叫黎彼得打電話通知家人，黎彼得打電話給兒子，但冇人聽，唯有找好朋友鍾志光，鍾志光第一時間去黎彼徳家，接兒子去探爸爸，但由於隔離病房只可以隔住玻璃見面。之後上回大房，住院期間不准落床，腎功能指數好高，而如大小二便有困難，最後要插尿喉，而醫生檢查有貧血要輸兩包血，所以黎彼得今次住院經歷一世難忘，多謝醫生護士各方面照顧，另外要多謝鍾志光，不停探自己又買野食，感謝各好友, 最後健康才最重要。