奇情谷｜黃子桐自嘲「渣男吸磁」 常遇情騙：對方有老婆

黃子桐（Rachel）今日（24/3）現身將軍澳電視城出席TVB Plus《奇情谷》節目記者會。講到過去感情史，Rachel接受《香港01》訪問時自嘲「渣男吸磁」，經常遇到渣男埋身力追：「以前細個嘅時候成日遇到，大家一齊之後，俾我發現有女朋友，仲話會為咗我會同女友分手，到最後冇分開之餘仲生埋B。嗰段情令到我好傷心。到人大個之後經歷多咗，加上已經消咗磁，好多男人已經埋唔到身，因為知道乜嘢係衰人，例如佢一日只係搵你一兩次，我好相信佢一定有第二個嘅。（可能對方工作好忙！）咁佢多唔多嘢做，我都會去了解亦會知。」

黃子桐在TVB Plus《奇情谷》節目擔任「花生Girls」。（吳子生攝）

Rachel續說：「你有冇聽話WiFi 時斷時好啦，即係代表有人同你分享緊。佢哋點樣渣男，對方係有老婆同有女朋友都會追我，同時都會表明自己有另一半。不過無論點都好，我自己都有原則，有女朋友同老婆嘅男人我係冇興趣。」