敖嘉年鄧月平首次合作演父女 大讚對方冇女神包袱：好爽朗
撰文：吳子生
出版：更新：
6
0
0
0
0
敖嘉年今晚（21/3）現身銅鑼灣出席微電影《猛龍傳之誰怕誰》首映禮。敖嘉年透露在電影中與鄧月平飾演父女關係，二人初次合作甚有火花：「今次呢套電影嘅導演係我同學，記得喺上年嘅4月佢打俾我叫我幫手拍呢套電影，仲話今次係做鄧月平嘅爸爸，聽到呢個消息都好開心，因為我未曾試個做呢個角色之外，加上又可以同一大班年青人合作，感覺係好新鮮又好好玩，於是就一口就答應咗。（同女神鄧月平合作如何？）佢為人好聰明，同埋佢就冇擺個女神樣出嚟，反而係好爽朗同好好玩！」
敖嘉年續說：「因為呢套戲主要係講一班失明人士，佢哋係好鍾意跑步，咁所以當中不乏跑步場口，而我就要學領跑員咁樣，拖住佢哋跑嘅時候，點樣用手同埋用身體嘅微少動作傳指示轉左或轉右跑，過程係要用身體嘅語言同佢哋溝通，當我知道咗之後，發覺原來做領跑員係好唔簡單。」
