中年3｜陳芷盈唱《心有獨鍾》　原唱陳曉東臉紅：嚟摧毀你偶像

《中年好聲音3》經歷上回合比賽後，分為上弦下弦兩個組別，上弦組別挑選下弦組別其中一位進行PK賽。其中，上弦組別的陳芷盈挑選曹越做對手。陳芷盈見到陳曉東時說：「係初戀嘅感覺。」原來她的偶像就是陳曉東。

陳芷盈見到偶像陳曉東勁開心。（《中年好聲音3》截圖）

今晚（16/3）一集，陳芷盈以偶像陳曉東的《心有獨鍾》出戰，可謂是贏盡掌聲，更令到「萬人迷」都臉紅！評審陳曉東說：「我好鍾意呀，我好鍾意呀，我覺得芷盈嚟，直情係嚟摧毀佢偶像。我聽到呢首歌嘅少女版本。技巧係好好，如果硬係要講，我覺得一開始唱嘅時候，佢有啲刻意將每個字唱得好短，有啲字可以唱得長少少。此外第一段好似聽到一把少女聲，好觸動，好甜美。去到後面，呢個少女又突然之間變咗好犀利。總括嚟講，舖排得好好，同埋我好鍾意呢個新編曲。我都可以試吓㗎。」

其餘評審也一致好評，張佳添也說陳芷盈放了很多心機在編曲上，細節處理得十分好：「將來人哋唱呢首歌，特別係女仔就跟你呢個版本去唱。」肥媽也笑言，當陳芷盈唱到「獨鍾」一句，然後深情的望向偶像陳曉東時，陳曉東竟然臉紅了！