甄子丹怒斥台媒成熱搜 否認激氣：俾多咗少少熱情落去

甄子丹今日（14/3）現身香港馬場出席《寶馬香港打吡大賽2025》發佈會。對於日前他以政協委員身份出席十四屆全國政協三次會議閉幕會，期間遭台媒問及：「怎麼看台灣當局要對台灣藝人表態『中國台灣省』要開罰這件事」時，他直接開罵：「你這個人很壞，怎麼老問這些問題呢？統一肯定需要的嘛！」他又指台媒提問的出發點「不正」。

甄子丹今日出席《寶馬香港打吡大賽2025》發佈會。（葉志明攝）

甄子丹接受《香港01》訪問時表示：「我哋做藝人有好多方面，例如行為說話都必須要負責任，始終有好多後生都會睇住做榜樣，同埋每個人都有自己嘅原則同底線，變咗有時講啲嘢要從心而發。今日我哋就集中返喺呢個盛會上，同埋喺娛樂同民生上嘅題材，因為之前我都講咗好多，唔需要我再重覆去講。（而家唔激氣？）我從來都冇激氣，只係有時有情緒，但就未必係激氣，情緒都只係俾多咗少少熱情落去，將嗰件事更加聽清楚。（好多網民都好撐你！）我覺得喺呢個世界，只要你講真話，講真相，冇違背良心嘅說話，講正義嘅說話，係會得到正面嘅支持。」