MIRROR出席導演會頒獎典禮齊搲撈 Lokman咖啡吧結業稱「蝕入肉」

撰文:鄺鈺瑩
出版:更新:

MIRROR成員Lokman、AK、Tiger、Alton、Frankie與ERROR成員Dee,今晚齊齊現身「香港電影導演會2025年度頒獎典禮」,現場有不少電影人,MIRROR 5子笑言表面上是來聚會,實際是來找機會,兩年均有參與的Dee更教路大家食飯、睇表演時都不要太專心。
Lokman近日因拍戲而成「失蹤人口」,不過他透露快將煞科,提到他的咖啡吧結業,問到會否再覓新地方開鋪,他說:「團火喺心係無熄,但今次係一個學習,重整旗鼓都需要搵多少少錢先。(蝕入肉?)有啲入肉,但小朋友唔跌唔大,記住呢個教訓,下次做好啲同小心啲。人總需要勇敢生存,許願係開多次cafe。」
Alton 日前直播打機,Jeremy亦有加入,他表示大家剛好有玩同一遊戲,又夾到時間就做,問到之後會否向公司爭取機會拍節目,Alton說:「其實Jeremy係高手過我,皮皮都唔少嘢,但節目嚟講我覺得係可以嘅,一切都係機會。」