張敬軒今日（20日）現身中環出席品牌新店開幕，他分享較早前終於完成了澳門演唱會：「好似冇放過假咁，諗諗吓唔係昨日先做完嘢咩？放兩個禮拜假唔係好覺，呢兩三年嘅努力呢兩個禮拜實在太少啦！今年新年就冇食啲煎炸嘅嘢。」被問到為什麼會發胖，他說：「因為為食肉囉，同埋瞓得夠，又吸收啲。」他笑言：「瞓到自然醒，我第一日放假，第二日瞓到晏晝四點，工人都以為我有事。」

被問到生日如何慶祝，他表示：「食咗幾個生日蛋糕同埋切餅，我自己通常唔過生日，開心的話幾時都可以叫班朋友相聚一下，生日又要搞到人哋買嘢，又唔想人哋買禮物。」他透露今年收到老闆楊生的大利市祝賀。提到現階段有點聲沙，他表示：「今日有少少例外嘅，呢幾日練歌，嚟緊王菀之開演唱會我會做嘉賓。」至於陳慧琳點名邀請張敬軒紅館演唱會嘉賓，他說：「I am ready隨傳隨到，我隨時都準備好。」