陳慧琳今日（20日）現身中環出席品牌新店開幕，她接受訪問表示即將會在今年舉行紅館演唱會：「真係開咗好多個會，忙緊搞個舞台同埋poster，自己練緊一啲秘密技倆，如果練得好就喺演唱會度獻醜。」被問到會否仿效黎明坐低唱快歌，她表示：「呢樣嘢好難講，到時候睇身體狀況如何？」她透露張敬軒已經答應做演唱會嘉賓，並表示：「我未知道開幾多場，但係第一場演唱會就係7月11號，睇反應，如果開多啲就多啲，但又唔好太多場數會好辛苦，我希望中間會有休息，其實10場就OK。」

被問到兒子們現階段是聽什麼流行音樂，她說：「佢哋而家唔聽情歌，鍾意聽啲Classic，我都拗晒頭，我都唔係咁我細個鍾意聽情歌。」講到兒子們有否留意過去的作品，她直言：「佢哋話我以前好靚，佢哋有陣時見到電視會播《天涯海角》，佢哋睇到就會覺得媽咪以前好靚。」