蔡思貝為事業寧放棄組織家庭：我覺得冇得貪心㗎
撰文：賴家杰
出版：更新：
蔡思貝今天（21日）出席TVB兒童節目《Think Big天地》的錄影探班，她認為今天到場是給大家一個驚喜：「其實我覺得好榮幸，因為我個年代睇《閃電傳真機》，係一個好大嘅回憶，每日放學都可以睇。咁依家呢個年代就係《Think Big天地》，我可以係呢個年代小朋友其中一個回憶，我好開心。」
思貝接受訪問時候談到生兒育女的問題，她直言暫未有計劃：「我自己好鍾意小朋友，但依家事業衝緊就唔會生住，冇得貪心㗎我覺得，我就算生我都唔會畀工人照顧，所以呢一刻我就唔會生，呢一刻純粹衝事業。」
最近羅天宇在IG發布了一條和胡鴻鈞玩水樽的影片，因為最近拍新劇《十月初五的月光》，在等拍攝期間他們合作玩掉水樽，沒有望垃圾桶也能拋進去，震驚一眾網友，不過思貝沒有讚胡鴻鈞有這神技術，反而是擔心羅天宇整傷胡鴻鈞，蔡思貝回應：「可能我水瓶座性格留意錯重點，所有身邊朋友我都唔想有傷痛，身邊朋友有傷痛我都會關心。」
+1
蔡思貝靚相：
+15