老公奇招氹掂鄧小巧：「佢係老粗底！」

鄧小巧前日出席AIA宣傳活動分享用藝術滋養心靈，還同Fans齊齊Art Jam，大會為答謝鄧小巧送出ColdPlay門票，令現場Fans羨慕不已。小巧亦都好識做，還拿出自家製「藝術品」予樂迷抽獎：「𠲖家屋企『杯滿為患』嘅狀態，因為我唔捨得掉野，但自己未『財富自由』到有間房擺啲手工藝品，好多初期嘅作品越擺越多，所以有時會送比Fans。老公就未必會同我一齊做呢啲手工藝品，佢最大功能就係有時打爛隻杯、洗爛啲碗，咁舊嘅唔去新嘅唔嚟，咁就有空間喇！」

活動舉行期間正席元宵及情人節前夕，不過小巧就表明唔慶祝：「我怕熱鬧啊，最多都係屋企囉，我好『宅』㗎！（佢會比驚喜你？）你睇佢似唔似會？佢係老粗底子！老公冒着大雨幫我去寄速遞，咁都好Sweet嘅，好過送花啦！」