吳業坤遊日撞正7.2級大地震 人在東京報平安：好似有啲頭暈咁
撰文：陳栢宇
出版：更新：
日本宮城縣對開海域3月20日下午發生多次地震，最高為黎克特制7.2級強震，震源深度60公里，日本氣象部門發出海嘯警報，日本放送協會（NHK）報道，宮城縣沿岸或會出現一米高海嘯。
現時身在東京的吳業坤（坤哥）亦感到地震，他接受《香港01》訪問時，向記者報平安：「而家都安全！（地震驚唔驚？）震嗰陣我食緊飯，跟住覺得點解好似有啲頭暈咁，見到啲嘢開始搖，有種好似暈船浪嘅感覺，望到啲水喺度郁緊，我諗都有30秒左右，第一次感受到地震。」
坤哥又坦言日本人似是對此習以為常：「係震耐咗，餐廳啲人先開始大嗌廚房熄火，大家都好似冇咩嘢咁。」提到他日前徒步完成近500公里的「東海道五十三次」，他指自己會逗留當地到3月底、4月頭，之後便會返港工作。
點擊下圖觀看坤哥完成壯舉後有咩搞：
+4
+17
吳業坤徒步500公里勾起「電波少年」回憶 23年後浪子近況如何？
+8