解構心機女︱與江嘉敏合照各有各P圖　馮盈盈：修圖人人都會做

馮盈盈和江嘉敏以前非常老友，但自上年「富貴船P」羅生門事件後，姊妹情疑似不再。事隔接近一年，二人被無綫（TVB）安排擔任新節目的《解構心機女》主持，首日開工她們便在個人社交網站上載「破冰」合照，今天（11日）二人出席記者會時候，問到「破冰」情況，盈盈說：「其實大家睇落少少，Sorry打錯咗走冰先啱，請嘉敏飲個杯珍珠奶茶係特登走甜少冰，都知佢第一次做主持，希望佢唔好緊張。」

而嘉敏則回應：「好多謝監製、編審、導演之外我都好多謝媒體朋友、觀眾同網民，因為大家成日都覺得我哋有嘢，不斷發大發酵呢件事，我先有做主持呢個機會，所以要多謝咁多位。」

提到兩人各自在IG發布的合照被發現有所出入，她們只執靚自己的樣貌，但沒有幫對方「P圖」，盈盈說：「其實張相我助手影，如果大家咁有興趣分析都好，可能我哋個編輯風格唔一樣，審美觀都好主觀嘅，同埋我從來都冇講過我唔P圖，我覺得修圖人人都會做，係一件公開秘密，只要唔好P到面目全非又唔承受咪冇問題囉。」