山河令｜輪椅童星心狠手辣　身高1米2真實年齡竟有28歲？

內地劇集《山河令》喺豆辦評分高達8.6，除有兩位小鮮肉主角張哲瀚、龔俊之外，亦有香港老戲骨梁家仁同徐少強。劇集內容圍繞2位男主角浪跡天涯，後捲入江湖鬥爭，而日前播出一集，講到眾人為得到可以打開武庫嘅琉璃甲而召開武林大會，該集播出之後，微博出現了「龍孝扮演者」嘅熱搜，事關扮演龍孝一角嘅「童星」一直坐於輪椅上，並指責有人想私吞武庫，表現心狠手辣。

之不過，呢位「童星」，其實係28歲嘅內地演員王滋潤，身高1米2嘅佢，外表看似6歲小童，過去曾在電影《鮫珠傳》、《新龍鳳店傳奇》、劇集《千門江湖》演出，出道6年。其實王滋潤嘅情況，似乎與患上「不老症」嘅內地演員侯祥一樣，侯祥自9歲就停止發育，多年嚟外貌維持喺童年階段，到36歲結婚同太太合照時，被指似母子。

點擊睇王滋潤暗黑演技

同場加映：山河令｜豆瓣評分屢創新高　香港老戲骨梁家仁驚喜客串