「最Hea港姐」張舒雅退隱12年 繼承億萬家族生意仍舊FIT爆
撰文：洪曉璇
出版：更新：
2008年香港小姐冠軍張舒雅，當年當選1個月就開始向TVB請病假，拒絕出席活動又退選世界小姐及國際中華小姐，但同時被傳媒影到與男友夜蒲，被外界封為「最Hea港姐」。
當年TVB大為震怒，禁張舒雅出席2009年港姐決賽及為新一屆港姐加冕，成為史上第一人！本身屋企人經營珠寶生意家底雄厚嘅佢，沒有加入電視台工作，卸任後做過短時間模特兒工作就繼續享受人生。佢曾經講過自己從未考慮入行，參選只係媽媽想佢訓練下儀態，亦唔想咁快接手家族生意。
「當選」後12年張舒雅甚少露面，只有間中於IG分享近況，大部分都係旅行享受人生。近日有傳媒影到佢現身放狗，雖然闊別幕前多年，但張舒雅仍保持Fit爆身材，180cm高超級長腿，唔使修圖都咁誘人。有指近年佢為幫家人打理生意進修珠寶設計，又同朋友合資開酒吧做老闆。
點擊睇張舒雅近年勁chill生活：
+18