李施嬅睇人鬧交被偷名牌手袋：損失近六萬！

李施嬅日前以「港島區防罪大使」身份，到工展會宣揚防罪意識及派發年曆，吸引大批巿民圍觀，場面熱鬧。提到防罪意識，李施嬅自言過往曾經遇過電話騙案，幸好她機警力保不失，但她卻兩遇銀包失竊，其中一次更損失近六萬元，認真肉赤，她說：「第二次損失慘重，帶了一個名牌手袋，之後到一間餐廳食飯，將個袋放在我隔離椅子，原本諗住好安全，點知對面有張枱有人嘈交，於是我多事企起身望望，望完坐低就發現個袋唔見咗，即刻報警，但都找不到，損失近六萬。」今次施嬅可以跟警察合作，宣揚防罪，感覺好開心，「一直以來我都好想扮演警察角色，可惜冇緣份，原本即將有個警察角色要演，不過又撞了拍新劇《天命》，又沒有機會做警察，好期待嘗試拍動作戲，我已經操到好fit，做足準備，就算唔演警察，演賊都好。」

提到即將周日舉行的《萬千星輝頒獎禮2016》，李施嬅憑《純屬意外》有份角逐「最佳女主角」，她表示對獎項零信心，更呼籲大家將票數投給好姊妹胡定欣，「今年女主角獎真是不須多講，一定是好姊妹胡定欣，我都會投她一票，亦會叫我的家人、粉絲、朋友投票給定欣，自己機會不大，不如集中票數給定欣，因為她在《城寨英雄》演得非常出色。」對於「最佳男主角」獎，施嬅表示欣常陳展鵬、郭晉安、黎耀祥、王浩信、吳啟華，不過她會將自己一票投陳展鵬，原因是陳展鵬是她好姊妹胡定欣的緋聞男友，所以她撐好姊妹同時，亦撐好姊妹緋聞男友，莫非愛屋及烏？