新舞蹈學校疫市開張　歌手劉敬雯擔心收生不足：有危先有機！

歌手奶茶（劉敬雯）新開設的舞蹈學校今日（6/3）於觀塘開張，獲不少圈中好友有到場支持。奶茶說：「開辦跳舞學校其實我係諗咗8年時間，因為一直都唔夠膽開。不過最終得到導演嘅鼓勵，同音樂總監嘅支持，終於有呢股力量去做。（投資幾多？）有6位數字，因為喺疫市中大家都好保守，慳住去做，都係小本經營，希望遲啲香港愈嚟愈好，如果有機會再開分校。（有否擔心疫情影響收生？）係超級無敵擔心，其實都有兩手準備，始終有危先有機。」