美女廚神Kit Mak麥潔兒墨爾本做地主：香港可能做幾世都買唔到

香港飲食作家兼烹飪導師、有「美女廚神」稱號的Kit Mak（麥潔兒）2009年在《美女廚房》（第二輯）擔任評判，與鄭中基的互動被指是節目精髓，因此為大眾所熟知，更連年接拍數個無綫飲食節目；無綫綜藝部近日變天，問起這個經典組合會否有機會重現，她就不置可否：「我覺得好多嘢都要Move forward，不知不覺已經12年前，我會想再嘗試唔同節目多啲，佢哋如果有新嘅節目留返畀啲新人。」

至於會否與鄭中基在YouTube頻道《機動電視台RTV》上合作？Kit Mak則說：「有緣就可以，大家角色都唔同咗，佢做咗好爸爸，我就變咗個師奶，夾埋可能更加放。」談起近日在ViuTV《開運旅神團》亮相，Kit Mak亦拍過兩家電視台節目，問起兩者的比較，她說：「好耐冇同TVB合作過，ViuTV幾好、製作組好年輕、好有活力，大家有商有量，會顧及埋你嗰邊點樣做，亦都好講求細節令成件事更好。」

Kit Mak透露2009年的《美女廚房》是她人生的轉捩點，那時的工作很多、很充實，算是賺了「第一桶金」，加上投資有道，去年更在墨爾本買地建屋，正式成為「地主」，她就視此為長遠投資：「香港雖然而家市道差，但作為投資嚟講都偏貴又好細，可以探索下唔同地方，相對嚟講同一價錢四百零萬，已經買到四、五千呎，喺香港可能做幾世都買唔到，相對門檻低好多，我對呢方面好有興趣。」她又透露曾經在香港擁有物業，現時卻寧願租樓：「我覺得樓價太過瘋狂。」至於會否有移民的想法，Kit Mak就表示：「到時先諗，始終個根喺香港，亦都要考慮好多嘢。」

同場加映：你看不到的《金手指》發布會　梁朝偉劉德華兩大影帝變「吉祥物」