《東張西望》主持梁麗翹半年時間速減50磅 　拍片公開瘦身療法

無綫《東張西望》主持梁麗翹（Nicole ）17年下嫁金融才俊男友Nic，婚後二人育有一女Nanette。不過最令Nicole困擾是產後身形走晒樣，體重最高峰時達160磅，為了極速修身成功，Nicole不斷節食狂做運，但最後都徒勞無功。

不過昨日Nicole於YouTube上載影片，宣佈減肥成功，並分享瘦身療法，還透露當時主持節目時，受到各方面評擊受盡歧視，心感難受。她說：「當時托B嘅時候體重有170磅，諗住生完都可以瘦返20磅，但點知生完都仲有160磅。講真生完Nanette都幾慘，返工好似每日都好冇自信心，而且大家都覺得我好似好肥，而又有一啲負面嘅評語，會叫我不如休息下先，叫我瘦番先返工啦，又會話咁樣都係為你好，你喺鏡頭面前咁肥，咁樣只會害咗你自己。其實當時嗰個身形，係令到我有好多好多負面情緒。不過試咗簡易生酮飲食療法之後，用咗7個月時間，成功減到120磅，終於搵到希望。」