張敬軒「遮遮」災難式「美食」出現第二位受害人　早餐宵夜一樣樣

張敬軒 (軒仔) 自從去年10月聘請了新的工人姐姐「嬋嬋」(暱稱遮遮) 後，就搖身一變成為了「早餐界KOL」，因為他將遮遮為他炮製的早餐照片放上IG分享，瞬即備受網民關注，遮遮「獨特」的廚藝更是令網民嘆為觀止。軒仔品嚐過的遮遮愛心早餐包括有腐乳白粥、果醬麵包，菜心雲吞麵、多士以及香蕉雞蛋等，令他大感無啖好食，叫苦連天。

最近有第二位「受害人」出現了，就是軒仔的好友王菀之（Ivana），Ivana於IG出Post表示：「好少出街，不過有啲人，突然想見...或者咁講，有啲年，係要開嘅！我得到一份宵（消）夜#赤口anytime#澱粉無極限」並post了遮遮式早餐，網民即估到她是去了軒仔的家中作客，又笑指宵夜竟然跟早餐是一樣的。軒仔就留言表示：「阿遮話 #招呼唔到 #個意思係你嘅食量佢招呼唔島 #佢動心嗰島名# 佢話佢瞓先」相當搞笑。

點撃睇遮遮曾為張敬軒準備的「豐富」食物：