張致恒（Steven）與太太區燕雯（雯雯），過往一直因冇錢又生4個小朋友而為網民詬病，雖然Steven現正於情趣用品店返工，但收入似乎仍不夠他一家人生活。近月起，他毫不客氣在社交平台求贊助，如：牙醫、鞋等，亦自認厚面皮。而本月初，雯雯更在IG爆料指Steven推他出去問人借錢，再數臭老公。

至今日（18日）凌晨，Steven又在IG限時動態賣慘呻窮，竟透露四個小朋友已病了個幾月！Steven說：「我真係好攰，一直以為自己會撐得住，四個小朋友病咗個幾月，最後連自己都病埋，搭地鐵嘅時候成日企喺度瞓着左（咗），搞到個電話跌落地，而家成個電話都碎曬（晒），再加上屋企嘅經濟壓力令到我就嚟頂唔住，已經因為交唔到租搬過好多次，我真係好努力去面對，我唔想再搬屋......我真係好辛苦......如果有冇人可以幫到我。」