湯怡結婚｜麥秋成對太太呵護備至 感激郭富城到賀：捉住佢對手
撰文：洪曉璇
出版：更新：
湯怡麥秋成選擇喺元宵佳節拉埋天窗，疫情下舉行小型婚禮簽紙成為合法夫妻。完成儀式及酒會後，一對新人喺下晝4點幾會見傳媒，應要求連咀三啖大曬恩愛。問到最愛對方啲咩，Kathy同麥秋成話：「最鍾意老公有耐性，我以前比較慢熱佢會耐心陪伴；阿怡對我好脾氣好好，性格好好。」
一對新人一直十指緊扣，做訪問時都輕攬老婆相當甜蜜：「仲未習慣人哋叫麥太，要開始習慣下。尋晚唔係瞓唔著，係太多嘢處理3點先上床瞓底，仲坐喺床上傾有無咩遺漏。上頭時好感動，睇住爸爸媽媽諗返好多嘢。」
疫情下只能宴請少量賓客，郭富城親身到賀令佢哋最為驚喜：「頭先見到城城嚟到好驚喜，即刻捉住佢對手，因為之前一直無confirm會嚟。真係對我好好專登抽時間嚟，我由細細個鍾意佢又一齊工作，佢嚟到好開心。」
+7
同場加映：湯怡結婚｜郭富城出席婚禮 除咗老闆楊受成仲有乜賓客到場?
+7