【李潤庭認錯．有片】太太選擇離婚 冇再同小三聯絡：我冇選擇權
《東張西望》主持李潤庭，被雜誌拍得背住結婚5年的太太，同小三Tiffany偷食，今日他在無綫記者室招開記者會就事件道歉。他說：
「首先我呢到就想同所有今次受影響嘅人，我屋企人啦，我太太啦，講聲對唔住嘅，係呢件事裏面係完完全全我一個人嘅錯，所以我覺得我應該行出嚟，然之後一力去承擔，因為呢個純粹我一個人嘅錯，所以我係呢到我鄭重同我屋企人，所有受影響嘅人嚟到致歉。」道歉完畢，竟然罕有地有記者答問環節，李潤庭亦有問必答，不過對於同小三的感情細節就不欲多說，怕被傳媒炒作，而李太的態度是暫時選擇離婚。節錄部份問答環節。
Q：公司有什麼處分？
李：我暫時唔知公司有咩決定，但如果公司有任何決定，都欣然接受。
Q：事件曝光後有否同太太聯絡？
李：曝光後有聯絡嘅。（太太表示？）當然係傷心同失望，咁所以係呢刻，我係應該要承擔返呢個責任。
Q：跟第三者有繼續絡嗎？
李：依家處於一個冷靜期，唔應該再去聯絡啦，呢件事帶來個鋪天蓋地嘅coverage，其實冇諗到，圈中人都未必支持到，何況係圈外人呢？呢個時候係需要空間同時間去沉澱下自己嘅情緒。
Q：你同第三者是想結束還是……？
李：冷靜期……咁當然係結束啦。
Q：有報道指太太一直知小三的存在？
李：嗰個係言語上的誤會，一早嘅意思係報道出之前，而唔係好耐之前。
Q：跟太太現時的關係？
李：𠵱家呢一刻，我絕對尊重我太太Crystal嘅決定，佢可以選擇離婚，或者係選擇係咪一齊，因為呢件事錯嘅就只有我一個，亦都唔到我去揀，選擇權喺佢手上，佢呢刻選擇離婚，（你接受？）我冇選擇權。（現在你們住在同一間屋，分房瞓？）係。
李潤庭似乎並不想放棄跟小三Tiffany關係，因為他最初表示是冷靜期，之後先改口說結束，但跟太太的關係似乎已沒有轉彎餘地。而《東張西望》主持及其他工作，他將會暫停，直到另行通知。