林作約戰鍾培生隻揪要問過阿媽　媽媽霸氣支持個仔：打爆佢！

林作早前因一句「抄我100萬？」激嬲百億富三代鍾培生，二人相約擂台上「決一死戰」。然而決戰日期未定已嚇怕鍾培生家人，早前鍾培生拍片透露家人「驚我打死人」而為他唸經兼求神拜佛。

應戰鍾培生答應上擂台　林作女友裕美吩咐：買定份人壽寫我名

林作一方則顯然自在許多，女友裕美聞及隻揪之約後游刃有餘地吩咐男友「買定人壽保險寫我個名」，林作昨日（22/2）更拍下與媽媽王莉妮食飯片段，他對住鏡頭說道：「想打交都過阿媽嗰關」，再問媽媽：「我可唔可以打鍾培生一鑊呀？」林作媽霸氣表示：「打爆佢呀！我一定支持你，打爆佢！所以你一定要爭氣，打爆佢贏返嚟呀！」

一文睇清林作鍾培生擂台戰時間線　「抄我100萬？」觸發隻揪事件