【癲姐冷靜？唔冷靜？】男友決心分手　蔡思貝︰將感情放在工作上

蔡思貝（Sisley）今日出席TVB盤菜宴，出席前她為劇集《踩過界》進行拍攝，最近有報道指Sisley的男友麥秋成決心分手，Sisley對此表示︰「感情事不嬲都少提，都係工作行先，希望大家都focus返係我工作上面。」她又講到最近拍劇很忙，連爸爸媽媽都少見，放工回家就是看劇本，基本上與男友都比較少見面。

對於早前蔡思貝半夜上周志文屋企，Sisley澄清只是不想在街上食宵夜，所以買上對方家食。對於目前與男友的感情，Sisley都一如以往表示將感情放在工作上，「今次拍呢個劇都需要好多Energy。（係咪代表感情處於冷靜期？）冷靜？唔冷靜，癲姐（《踩過界》角色名）成日都好唔冷靜，癲姐成日都要好暴躁。」其後都講到放工後，攰到返屋企都係想瞓覺，似乎不願再提感情事。