湯怡IG分享食薯條相與麥秋成隔空放閃：茄汁喺你度唔該唧多少少！

早前宣布婚訊兼榮升父母的湯怡（Kathy）與麥秋成將於本月舉行小型婚禮。臨近情人節，兩位準新人密密在Instagram高調放閃。繼過大禮後，昨日（10/2）湯怡又分享一張由麥秋成所拍的食薯條相，相中湯怡笑到見牙不見眼，「見到我呢個笑容 就知道我幾耐冇食過薯條啦🥰 偶爾放縱一餐食少少咁少少 開心就係咁簡單」，又甜蜜標籤老公「#麥蜜拍」。麥秋成當然認為老婆笑容無價，留言道：「無敵的笑容」。

麥秋成跟足傳統過大禮　湯怡收超巨型龍鳳鈪：感覺好奇妙

怎料原來二人放閃程度遠高於此。另一邊廂，麥秋成亦曬出一張由湯怡所拍的單頭照，相中麥秋成的電話殼是蕃茄醬造型，他手揸電話，似乎正在為湯怡影相。他留言道：「拍得開心 我就放心 #袁路有妳 #有人食薯條好開心」，湯怡也九秒九在老公相大放閃，「茄汁喺你度 唔該唧多少少」。中閃光彈的網友直言：「別再放閃了被你們的狗糧擲暈了」。

即看湯怡麥秋成高調放閃相，以及結婚靚相：