「劣迹藝人」鄭爽擔任公益大使？　內地兩地方法院遭鬧爆急刪微博

原本事業如日方中嘅內地女星鄭爽，上月被揭同舊愛張恒到美國搵人「代孕」後又主張「棄養」，廣電總局更罕有點名指佢係「劣迹藝人」，事業一鋪清袋。呢日兩個內地地方法院，忽然喺官方微博發文指搵嚟鄭爽做「公益大使」被網友鬧爆。

重慶第四中級人民法院，及山東省濟南中級人民法院，2月4日先後於官方微博發文，表示要與「青年公益行動大使鄭爽一起學習環保法律知識」，被網友鬧爆「跟鄭爽學鑽法律漏洞？」事後兩間法院均把相關內容刪除，而重慶四中法院作出回應，承認是把關不嚴。另外近日傳出鄭爽已訂機票準備到美國，解決一對仔女問題，更指佢透過視像通話爆喊向小朋友講對唔住。