湯怡嫁麥秋成雙喜臨門好突然？ 各自「前度」洪卓立蔡思貝太深刻
現年33歲嘅湯怡忽然爆出雙喜臨門，同蔡思貝舊愛排舞師麥秋成已造人成功，今日（1月25日）入紙排期註冊，下個月舉行簡單嘅婚禮。原來二人同為胡忠中學校友，喺埋一齊之前各有一段令人印象深刻嘅感情。
【按圖看】湯怡當年的青澀樣貌＝＝＞
湯怡16歲已經入行，有翻版黎姿之稱，佢接受訪問時表示洪卓立係佢嘅初戀：「中三有男仔同我示愛，走埋一齊有2、3個月，但我哋手都冇拖，反而同阿Ken（洪卓立）係第一次正式拍拖，好多人都話難以置信。」二人足足11年愛情長跑，大家都以為佢地會拉埋天窗，可惜未能繼續走落去。
2018年湯怡同洪卓立宣佈分手，令外界相當震驚，湯怡表示兩人之間相處有些問題：「一齊咁多年，相處一定會有問題。加上當時我都去到一定嘅年紀，對女仔嚟講年紀都唔細，開始會諗將來，會諗大家事業上嘅問題，或者分開一下各自去衡量，對雙方的成長會更好。」分手前佢地用咗一年時間磨合及改善，最後決定忍痛分手：「冇人知將來係點，不過分開一下，為自己同屋企人都好，都唔會浪費時間。」與洪卓立分手後湯怡一直保持單身，不過曾一度有傳與陳家樂撻著，甚至有報道曾經指陳家樂就是湯怡與洪卓立之間的第三者，不過二人也相相否認。
至於麥秋成2014年曾與蔡思貝交往，雙方相戀約一年後分手。蔡思貝早前接受電台訪問時，表示回港發展後只同麥秋成拍過拖，仲透露二人相戀分手經過：「初入行喺Studio影完雜誌相，化妝師朋友請我留低參加聖誕派對認識。佢走進來同我傾偈，好浪漫咁講：『喺整個場合只睇到我一個人！』我哋係做咗九個月朋友先開始拍拖，分開係因為他想穩定，要照顧我，而我剛剛入咗呢個夢想嘅演藝行業，唔想咁快穩定，大家追求唔一樣。」
麥秋成與蔡思貝拍拖大約一年，分手後亦一直保持單身，直至2019才傳出與蔣家旻相戀，當時更曾有報道指二人練舞找湯怡做煙幕，看來事實與報道恰巧180度相反。
同場加映：蔡思貝入行7年有15個緋聞男友 公開承認戀過的只有兩位
到底蔡思貝同過邊15位男士傳緋聞？點擊下圖放大遂格重溫：