黎國輝拍片踩陳自瑤經常黑面被指消費對方 現設法向Yoyo親自道歉
撰文：趙允琳
出版：更新：
陳自瑤（Yoyo）早前在老公王浩信於《萬千星輝頒獎典禮》致辭時提及「多謝Yoyo」因疑似黑面而在網上瘋傳，黎國輝（阿感）隨即在YouTube以20年前的前Yoyo男友身份拍片踩對方經常黑面而被網民狠批抽水兼消費Yoyo，他今日（24日）坦言正設法與Yoyo聯絡向她道歉。
阿感坦言自己沒有Yoyo的電話，現正想方法與她聯絡：「因為佢電話應該改咗喇，我覺得禮貌上都要同對方Say Sorry，所以託人攞佢電話。我有喺節目公開道歉，亦有睇網民留言，佢哋覺得我消費咗前度，雖然我哋立心唔係咁做，但觀眾有呢個感覺，我要同對方道歉。」他表示萬一要與Yoyo碰面亦不會感到尷尬：「我之前做娛樂新聞主播都成日見到佢，連佢婚禮都係我採訪，同王浩信又係波友，所以見面唔會尷尬嘅。」
點擊睇Yoyo的靚相：
+50
陳自瑤懶理近日婚姻成焦點 IG曬命晨早獲「匿名人」送卡片示愛39歲陳自瑤自言走少女路線 零美顏濾鏡下皺紋暴現反獲網民激讚陳自瑤前度黎國輝爆女方經常黑面 梁梓禧直指Yoyo難溝通陳自瑤疑似「黑面」回應老公王浩信致謝 親自開腔剖白當中原因陳自瑤台慶零表情一刻被截圖 多謝網民整Sticker：我覺得好驚喜