連詩雅遭人投訴霸佔訪客車位　黎諾懿：原諒佢啦，佢咁靚女！

黎諾懿今晚（23/1）現身電視城出席《慈善星輝仁濟夜》籌款活動。被問到有否誤泊他人車位？諾懿笑言：「特登就會，因為貪方便，即係等於我哋會偷雞泊喺公司出面大地，因為一泊完可以即刻入廠做嘢！如果時間足夠就少啲咁做。（唔怕藝人身曝光？）我哋好醒嘅，明知藝人車牌咁易認，咁緊係唔好泊死一個位啦！如果真係要偷雞，就周圍泊下啦！」

當黎諾懿得悉詩雅遭住戶指控，三年來為求貪方便霸佔訪客車位時，諾懿大感驚訝：「佢貪方便呀？咁唔好諗啦！係咪太多訪客呀？會唔會佢以為自己買咗訪客車位呀？三年都係咁泊？佢都Ok喎泊咗三年，等陣我問吓佢住邊區先，不過盡可能就唔好啦！要乖乖哋，所以我都要了解件事先。講真都係貪方便，不過算啦，大家原諒佢啦！咁靚嘅女仔。」

連詩雅遭指控霸佔訪客車位三年　認試過貪方便：但唔係報道所講咁