勁歌金曲2020︱菊梓喬嘆過去一年家中壞事太多難捱：好想爆喊！
撰文：賴家杰
出版：更新：
菊梓喬（Hana）周日晚（17日）於《2020年度勁歌金曲頒獎典禮》中，合共奪得6個獎，成全晚大贏家，她笑言完全沒有預計過：「好多謝我屋企人、粉絲同所有幫助我嘅人，因為過去一年大家都唔容易過，我好感激一班粉絲支持我，同埋我想多謝我妹妹，因為冇咗佢好多事撐唔落去。」
這一年有好多壞事情發生在Hana身上，她表示不方便透露，只能說是關於家庭：「要再堅強啲，畀咗好多壓力自己，所以我拎獎真係好開心，好想爆喊，因為發生太多事，我自己生命中發生大件事，自己都好唔容易，但一定要堅強。」
另外今天奪下六個大獎成大贏家，「星夢」一姐地位也可以說坐實下來，「唔好，唔係一姐，我做細，我永遠都覺得我做細，可能我個底係自卑底，我成日覺得輸輸哋，冇辦法天生，要覺得自己再努力。我從來做訪問咁多年，我好想講一句說話，唔好同任何人比較，每個人唔一樣，贏到自己就可以。」
即看獲獎歌手靚相：
+13
即看女歌手靚相：
+20