女神游嘉欣公開擇偶條件　偏愛成熟男：好有安全感！

女神游嘉欣今日（15/1）現身將軍澳電視城出席《慈善星輝仁濟夜》記者會。嘉欣透露當晚會表演魔術《魔法水晶球》大變法：「呢個好誇張，我要將個水晶球懸浮喺半空中，呢個魔術我仲苦練緊，所以呢個禮拜我要儲能量去練習。」

講起擇偶條件，女神嘉欣直言偏愛年紀大的成熟男士：「我覺得成熟嘅男人好有安全感，只要係大過我十年內嘅男仔都會考慮。其實自己都想有人錫，但如果搵唔到嘅，都唔想急。因為寧願搵個啱，都唔好迫自己搵個唔適合自己嘅人拍拖。不過就算我有心意對象，我都唔會主動去追人，因為好驚自己會失敗，所以我都係會默默去愛戀對方就算。（有冇失敗過？）冇，因為都冇暗戀過。」