【美選D.n.A】鄧月平入八強前已經拍戲：我同公司講想做編劇

選美只不過是入娛樂圈的一個途徑，有沒有冠軍其實不重要，好像ViuTv 《美選D.n.A》佳麗鄧月平Larine，比賽都未完，已經做了周秀娜師妹，亦拍完鄭丹瑞執導的《小男人週記3之吾家有喜》，起步已拋離其他佳麗，今日她和其餘7位佳麗出席《美選D.n.A》8強記者會，不過Larine就沒有想過自己入到8強，她說：「其實都冇諗過入到8強，啱啱讀完書就初次接觸社會，仲去到一個咁大嘅舞台，對我嚟講就不斷創新高。」對於發展比其他佳麗快，Larine亦覺得自己幸運，她說：「好多謝咁多前輩賞識，但最重要係自己keep唔keep到，自己要更加努力。不過我想做編劇，因為我本身有啲好得意嘅故仔，我有同公司講過㗎，蕭生就話下次編劇開會叫埋我喎。」Larine事業發展不錯，但她的媽媽反而擔心她沒有男友，她說：「我過幾日就生日，阿媽話介紹靚仔俾我喎，即係叫我相睇，佢驚我嫁唔出，成日問我同啲男演員有冇對手戲？有冇機會呀？我就當佢講笑算。」

而同屬Larine公司的陳意嵐Tarah表示能夠入到8強覺得自己幸運，她說：「我要喺復活賽打返入嚟，真係好辛苦，我要落水做高難度動作，爭啲透唔到氣㗎，入8強絕對揾命搏返嚟。」而對於Larine起步快，她亦覺得對方非常利害，她說：「其實佢得18歲，已經做到依家嘅成績，真係唔容易，自己18歲嗰陣都唔知做咩？我唯一優勝過佢，就係年紀喇，哈哈！」