【一索得男】蘇永康唔想阿仔似梁游：「可反叛，但要識分莊閒！」
撰文：張浩恩
出版：更新：
恭喜49歲的蘇永康即將榮升做爸爸！前年12月與任職Alexander McQueen亞太區主席馮翠珊（Anita）結婚的蘇永康，今日透過電話錄音承認一索得男，太太目前懷孕約五個月。其實阿公前年結婚後已經打算全力造人，更特別向老闆任賢齊（小齊）請假一年實行造人大計，不過世事嘅嘢真係好難預計：「當時我去咗杜拜、意大利、威尼斯，希望戲劇性地營造啲浪漫氣氛去令到佢有啦，點知都係冇。」
阿公在浪漫氣氛下造人失敗，卻在五個月前收到上天送給他的禮物，讓他大為驚喜。而為免BB小器，阿公依照中國傳統習俗，待BB三個月時才向Big Four及男人幫等身邊好友報喜。他透露太太目前狀態良好，但近日開始嘔吐不適：「佢開頭幾個月佗得幾舒服，但依家食完早餐就會嘔，我會幫佢掃風，盡吓做老公嘅責任。」
作為高齡爸爸，蘇永康不緊張就假，所以他亦有向小齊及家強等好友請教湊仔心得。問到會否想囝囝遺傳其音樂細胞，阿公說：「其實我冇咩望嘅，淨係一樣嘢，就係唔想個仔似我，想佢似阿媽，起碼好樣啲！音樂同時裝呢啲元素我相信佢一定會遺傳到，將來佢學唔學到就睇佢啦，因為佢將來長大嘅世界都唔知係點。」
唔想多多個梁頌恆、游蕙禎：要識得分莊閒
至於對囝囝的期望，阿公希望他舉止有禮：「嗰日影到我約拉姑出嚟傾偈，係想請教佢，其實霆鋒咁反叛，你點將佢教到咁有禮貌，霆鋒就算係十幾歲最反叛嗰陣，佢見到所有前輩都會鞠躬。」他更謂不想囝囝將來做第二個梁頌恆或游蕙禎破壞社會安寧：「我必須要做嘅就係唔好為社會製造多一個造反嘅人，簡單嚟講我唔想生一個梁天（頌）恆，我唔想生一個游蕙禎。我要佢識得分莊、閒，你可以反叛，但唔可以做一啲背祖忘宗、分裂國家嘅事，絕對不能，如果佢做出呢啲事，我係會親手懲戒佢。」
任賢齊稱再開「男人幫」要著裙 蘇永康：家強着芭蕾裙彈Bass徐濠縈拒談陳子聰病況 杜如風蘇永康趕探病蘇永康朝聖越讚越累事 58歲娜姐被笑可申請「生果金」網絡電視頻道成立 蘇永康力撐︰沒有藝人只簽一個電視台