「最美丫鬟」陳婉婷做直播靠紛絲送禮物 由零收入變日賺五位數字
撰文：張嘉敏
出版：更新：
有「最美丫鬟」之稱的陳婉婷（Hebe）於2019年9月離開工作8年嘅TVB後，便另謀發展，可是因為疫情初期令她的收入大受影響，半年冇工開，唯有轉投主播行列做網上直播，由零收入變為日入5位數，全靠粉絲對她的支持和厚愛，在直播間不停給她送禮物。
早前Hebe曾在訪問中講到「眼濕濕」說：「初時收入真係好差，係佢哋叫我唔好放棄，先撐到而家。而家做直播都叫維持到生活， 主要靠Fans送禮物畀我再收分成。我記得有個Fans得12歲，我都叫佢淨係睇好啦，唔好充值，點知佢用晒利是錢送禮物畀我，最終被家人發現禁止佢再玩喇。」她現在每日都會開8小時直播，有時1日連100蚊都賺不到，但有時1日卻可以賺幾萬蚊。Hebe表示支持她的都係跟了她5、6年的粉絲，有粉絲為了送禮物給她，竟然在近幾個月花了數十萬元，出手可謂相當闊綽。她更曾經成為收到最多禮物的直播網主，贏得了平台的廣告位置。
點擊睇更多Hebe的靚相：
+66