【新冠肺炎】英國出現變種病毒株　森美擔心兒子能否繼續留學

新型冠狀肺炎肆虐全球，由於英國政府出現變種病毒株，日前宣佈倫敦疫情警報，周邊地區全面封城，如非必要禁止進出。森美兒子曦樂去年在英國會考GCSE獲取優異成績而入讀寄宿學校協和學院（Concord College），森美就封城一事接受傳媒訪問時透露，曦樂已經返港跟家人過聖誕節，並已經在酒店隔離了兩星期，稍後會在港多留兩星期。不過森美現時最擔心的，就是不知道曦樂能否返回英國，只能密切留意情況，過多一星期才考慮：「雖然傳播力廣，但希望冇咁嚴重，等過多一個禮拜，睇情況再決定。」

森美接受《香港01》訪問時表示，曦樂即將考A-level：「當然要睇情況如何，如果繼續嚴重嘅話就叫佢唔返去住，但唔會太長時間，因為佢真係要返去考公開試，入大學就靠A-level，所以要密切留意住。佢依家喺香港就安心啲，過完聖誕之後再決定即刻畀佢返去定延遲一兩個禮拜，等冇咁嚴重先返去呢。」森美續指如果英國取消公開試的話，兒子就不用回英國，但這個情況還未能夠肯定，所以都冇辦法。