伍家謙與太太慶祝結婚7周年　自爆相愛十年仍有承諾未兌現

無綫前體育主播伍家謙今年4月榮升爸爸，太太謝麗萃（Betty）為他誕下一對龍鳳胎，他亦搖身一變變成湊仔公，不時在社交平台以鬼馬的文筆分享成為新手爸爸的點滴和心情。近日他與太太慶祝結婚7年周年紀念日，他在Facebook發文亦同樣不失調皮風格：「七年前，擺酒當日就係喺呢個位影相；二千五百幾日之後再影，影完又攞嚟比較下，我發現——我發現原來我真係高過『阿太日常』（太太Facebook）好多。」更在太太的帖文下留言直接說：「原來你矮我咁多」，大玩花式自殺。

伍家謙亦有「補飛」說只是開玩笑，「講笑。七年之間，好多嘢變晒，我嘅工作唔同咗、香港變咗、#小怪獸s 嚟咗；不變嘅除咗身高差之外，更加緊要嘅係嗰份互相支持。希望未來，我哋繼續頂（得）住對方」。另外他亦自爆有一個相愛十年都仍未兌現承諾，「我問阿太對呢七年有咩感想，佢嘅答案係：『你十年前已經話終有一日會煮嘢畀我食，到而家都好似未試過。』伍家謙表示「有機會嘅，有機會嘅，等我努力鑽研下。」不知道阿太何時才有機會試到老公的手勢呢？

「01最賞睇娛樂大獎」名單出爐啦，6大娛樂獎包括最有話題新聞、最Sweet新聞、最強金句、年度風雲人物、年度男神及女神，快啲參加有獎投票兼答簡單問題贏最新5G手機12 Pro！

點擊圖片：

【同場加映】──香港愛情故事│龔慈恩被丈夫罵蛀米大蟲　道出全職主婦的悲哀