執屋｜婚後父母同住四人共用一毛巾 男嘉賓：帶埋外母上嚟執屋
撰文：鄺鈺瑩
出版：更新：
ViuTV新節目《執屋》搵嚟「雜物諮詢師」阿橙，連同兩位主持人，去到唔同嘅家庭幫大家斷捨離，第一集女嘉賓Jessie連梳化都要打直放置，震撼了不少觀眾。第二集男嘉賓Ray同埋老婆凱儀以及父母，一家四口同住。
「01最賞睇娛樂大獎」即日起至12月23日接受投票喇，答埋簡單問題，隨時贏最新5G手機12 Pro！
就節目所見，Ray嘅屋企有唔少櫃、層架，但都叫整齊，Ray就好老實咁話老婆試過帶埋外母一齊上嚟執屋。斷捨離前，屋物諮詢師通常都會巡一巡間屋，但今集最大問題係由於Ray父母都不在場，所以好多嘢都決定唔到係留定棄，就好似喺廚房搵出非常佔位置嘅大花樽時同已拆卸嘅浴室寶時，大家都猶豫不決，最後要打電話問Ray嘅媽媽，對方表示「其實無用，不過唔捨得丟」。
之後一行人去到洗手間時，Ray提到最唔滿意嘅地方係一個成日會撞頭、踢腳嘅架，但既然全家都對呢個架咁不滿，點解至今依然存在呢？咪就係懶囉。之後雜物諮詢師問到點解整個浴室會只得一條毛巾，Ray就話:「其實老婆搬入嚟之後，我已經同佢哋講想一人一條毛巾，但而家其實係全家共用一條毛巾，濕晒先會換……」或者係無位掛毛巾，定呢家人關係親密到可以共用毛巾？Ray嘅解釋係父母唔喜歡在玻璃門上貼掛勾，又反對在牆身上鑽洞，所以才會全家共用一條毛巾！主持人隨即時拎出「不留痕掛勾」仲幫埋Ray貼上牆，再教埋佢點樣放置四條毛巾……
點擊下圖睇如何共用毛巾
+23
同場加映 : 執屋｜女嘉賓屋企搵出42年歷史利賓納 ViuTV新節目教斷捨離
+23