林盛斌分享「長銀包旺財運法」　自覺年收入逐年增高：信不信由你

林盛斌（Bob）昨天在社交網站貼出一張長型銀包相，向網友分享一個能夠改善財運的方法，更列出8個步驟：

1. 請你馬上換一個長銀包
2. 最好係要名牌，貴少少嘅
3. 唔好用就咁對摺嗰啲，要有扣或者有拉鍊嘅
4. 將所有紙幣面值順序放好兼同一方向排列
5. 唔好放散紙神沙
6. 唔好放任何單據
7. 經常 keep 住有多少少錢喺銀包
8. 經常保持你個銀包乾淨同整潔
9. 好好對待每一張放入你銀包嘅銀紙

即投「01最賞睇娛樂大獎」兼答簡單問題，被選中內容最精彩、令人印象深刻及令人產生共鳴的答案，就有機會贏最新5G手機12 Pro，按此即投贏巨獎！

Bob在帖文直言大概在8、９年前開始有這個習慣，銀包亦愈換愈名貴：「我發現我嘅財運真係有所嘅提升，我嘅年收入亦不知不覺間一步一步多咗。曾經有一個好有趣嘅統計數字，你嘅年收入（當然未必絕對準確），大約係你銀包價值嘅200倍。信不信由你，反正我信了，亦實踐中！乖啦，今日，去買個靚靚哋嘅長銀包啦。」引來不少網民留言。

點擊下圖回顧：林盛斌九龍塘獨立屋變按摩院　超筍價目表竟然有Bug？

Bob接受《香港01》訪問時便坦言方法來自一本日本人寫的書，叫做《為什麼有錢人都用長皮夾？》：「同一時間我嘅風水師傅陳定幫都有叫我咁做，之後就開始咗呢個習慣。（個原理係點？）其實係培養你對錢嘅態度，你對佢好啲佢，就會對你好啲，所以個銀包唔一定要買好貴，到有能力嘅時候可以再買貴啲，一來你又會好好珍惜佢，二來如果你相信嗰個日本人做嘅統計，你嘅年收入係大約你嘅銀包價值二百倍，咁都可以算係一種小小嘅投資嘅。」

Bob又指自己也知道不少有錢人用短銀包或者只是用夾，所以方法只屬參考之用，「不喜勿插」：「呢個理論未必應用晒喺所有人度，但係如果你選擇相信，好好運用呢個邏輯同習慣，而最後又得到一個好嘅結果，咁咪得囉，亦都唔需要同其他人去比較，因為呢件事係冇對與錯嘅，而且最重要始終係努力工作，有正確嘅目標同態度，同好好增值自己。」

同場加映：【多圖】林盛斌IG貼養眼「助手照」　美少女真身絕非普通凡人