張敬軒以拉尺保社交距離慘變「軟仔」　網民：攞證據出嚟反擊！

張敬軒自周日（22日）起一連8日在紅館舉行《張敬軒 X 香港中樂團盛樂》演唱會，為保持防疫距離，軒仔走近觀眾席就會拉起長達1.5米的拉尺，畫面令人想入非非，更有歌迷不少以有味笑話調戲：「好長啊！」不過拉尺始終會變軟，而張敬軒每次都會擺出趣怪表情，惹來歌迷哄堂大笑，不過他就堅稱：「好堅挺！我講緊把拉尺！」而他昨晚（27日）亦有轉發拉尺變軟的片段，更留言笑稱：「呢個故事教訓我做人唔好牙擦擦。」

周六（28日）張敬軒貼出一則新聞報道，內容講及全城熱話「遮遮早餐」，不過內文便錯將「軒仔」打成「軟仔」，令張敬軒都禁不住寫道：「軟仔係邊位？我今晚要換把尺！男人大忌！晨早流流睇到個軟字嚇死人咩！個心離一離呀！」引來今次演唱會音樂總監嚴勵行（Johnny）講大搞有味笑話，網民亦不放過這個機會：「大佬你日日攞住支嘢咁軟，唔叫你軟仔叫咩啫？」、「攞證據出嚟反擊！」

同場加映：張敬軒是日早餐好豐盛？　工人姐姐手勢終有重大突破「加料」慶祝