《幕後玩家》又係變爭女劇　黃宗澤硬搶黃翠如

台慶劇《幕後玩家》宣傳片係威係勢，講到三位男主角有錢有面兼有橋，似乎想製造三位成為公關界男神，結果套劇一開首大曬盬花，間中加插兩段「關公」意外，便當正三人是男神，掛羊頭之感好強烈。

不過到下個星期一（21日）開始，《幕》劇更索性連羊頭都費事掛。據知該劇不會再有公關情節，整套劇會轉為玩爭女，講黃宗澤因為母親（馮素波飾）之死，而性情大變，變得越來越奸，之後更會狂追有錢女黃翠如，亦即會同蕭正楠兄弟反目，是不是好吸引呢？這類爭產爭女故事一向係師奶就最愛，有望令平均收視23點，拉高多3、4點，至於之前張繼聰的追女仔金句都會慢慢消失。

據知劇情進入下半段後，三位公關男神，會陷入大台最拿手的多角戀中，其實黃翠如才是真的「幕後玩家」。劇情老套？係！不過大家咪又係坐定定睇囉！