【煎Pan點算？】《致命復活》「及時」結局　助郭晉安四奪視帝？

由郭晉安擔正的台慶劇集《致命復活》，在預告片中，見安仔披頭散髮，滿臉鬍鬚及血污，被困於囚室內，為了生存只得生吞毒蛇及青蛙，而安仔脫困後，查出他被囚的真相，踏上一條復仇的不歸路。劇情謎團重重，而且該劇仿如為安仔度身訂造，見他目露凶光又冷笑，唔理是否浮誇，總之師奶受先最緊要。

安仔雖然好戲，但今年《城寨英雄》的口碑也不容忽視，劇中男一陳展鵬亦是視帝的大熱門之一，但展鵬跟無綫仍有多年約，根據以往的潛規則，展鵬要問鼎視帝應該要等多幾屆。有心水清的網民更發現，《致命復活》在本周日(20日)開始播映，一連播兩集，之後一星期播足七日(除了12月3日)，直至播到《萬千星輝頒獎典禮》的前一日(17日)才大結局，無限loop幫觀眾洗腦外，更為安仔贏得視帝預先造勢。

今晚舉行的「邁向50周年星光晚宴」，《香港01》記者向陳展鵬提到安仔擔正的《致命復活》，展鵬即相當識做，更大擦無綫鞋，「今年好多重頭劇，又多翻拍劇，唔睇TVB係你嘅損失呀。其實安仔不嬲都好戲，尤其係之前《忠奸人》，依家套新劇題材新鮮，觀眾都會鍾意。(安仔套劇大結局在頒獎禮前一日，有否擔心影響視帝賽果？)唔擔心，我一向都係俾心機去演戲，其他嘢都唔係好理。」(現時跟胡定欣情侶檔演出？)「我唔介意，觀眾想我哋一pair，睇得好投入，難得觀眾鍾意，無所謂嘅。」

《致命復活》不但有安仔，還有萬綺雯、黃德斌、王浩信等好戲之人，收視估計有一定保證。同期的另一齣台慶劇，竟然是2014年已經拍畢的《流氓皇帝》，該劇由馬國明及周麗淇擔正演出，翻拍秋官、司棋姐的同名劇集，馬國明的舊劇終於能夠出土，但以倉底劇迎戰同期的《致命復活》，儲起兩年都未出到街應該有原因，只可以希望馬國明和周麗淇會帶來驚喜啦。