劇集《木棘証人》開播以來，以輕鬆、幽默手法成功吸引觀眾關注，劇中飾演阿帆嘅韋家雄更係功不可沒，首次做男二嘅佢曾笑言只係通告密啲咁解，十分謙虛。今午他出席劇集宣傳活動時，被同劇演員黃子雄踢爆在慶功宴上，不停重複阿帆係佢入行以嚟最鍾意嘅角色。

韋家雄接受《香港01》訪問時表示過往很多角色都很重複，反觀今次阿帆算是新嘗試，拍攝時愈演愈興奮。對於劇中經常要一口氣講幾頁紙對白，問到拍攝時會否因忍唔住笑而經常NG，韋家雄表示：「笑就係玩自己，所以點都一氣呵成。」提到劇中興羅子溢（原名:羅仲謙）嘅咀戲，他笑言這個初吻如惡夢一樣，並不想再回憶。

韋家雄又提到因疫情關係，未能到內地登台，加上香港部分工作都受到影響，令其收入大減一半，由於老婆婚後辭去銀行工作，負責養家嘅佢有一家經濟壓力：「唯有食少啲，叫老婆食半碗飯好啦，當減肥，不過又唔算好擔心嘅。」