王祖藍囡囡擁驚人身高　未到2歲達爸爸腰間：身高隨我老婆怎麼了

王祖藍同李亞男2015年結婚，18年尾誕下囡囡後，今年父親節再宣布造人成功，Gabrielle好快就做姐姐啦﹗最近有人影到佢地一家三口外出照，1歲10個月大嘅Gabrielle遺傳媽媽高佻身材，竟然已達王祖藍腰間位置，相當修長﹗

好多網友大讚Gabrielle有潛質做模特兒，笑言過兩年應該會高過爸爸。王祖藍上載父女合照隔空回應話：「身高隨我老婆怎麼了！長得像我！」仲特別加上熱門搜尋詞「王祖藍女兒2歲身高」，高EQ回應搏得滿堂彩。佢喺IG貼出同一張相就改一改留言成為：「身高像媽，表情像爸爸，很公平。」