航空公司推出「環港遊」航班 　吳紫韻興奮又失落：落地又喺香港

蔡嘉欣、陳詩欣及吳紫韻周五（16/10）現身將軍澳電視城出席《Big Big Shop美麗登場》記者會。三位靚女美容達人講起扮靚心得，陳詩欣自爆每用高消費購買護膚品力保衰佬，「其實我都唔想嘥咁多錢喺啲化妝品度，因為自己年過25歲後，發覺自己啲皮膚好似轉差，所以會用多咗護膚品抗衰老，而且最近我亦又買咗成四千幾蚊眼面套裝嘅護膚品，因為自己好怕聽到人哋話自己老。」

提到疫情反覆，旅遊業停頓，有航空公司出招推本地飛行體驗「環港遊」1.5小時航班吸客。吳紫韻表示有興趣想試：「其實喺你坐飛機嘅時候會好興奮，諗住感覺係去緊第二個地方，點知一落地嘅時候，竟然落又喺香港，會有興奮得嚟又有啲失落。」而蔡嘉欣則表示航機飛行路線夠特別，認為可以一試無妨。