【精彩過正片】星爺不滿《西遊2》冇特效 發癲唱《430》主題曲
撰文：劉健華
出版：更新：
周星馳編劇、徐克執導的2017賀歲片《西遊伏妖篇》剛公開首段預告片，所有角色都改頭換面，而且預告片的最大特色竟是「完全沒有特技鏡頭」，就連星爺自己也忍唔住投訴，問徐克：「點會冇特技咁沙pop？」
《西遊伏妖篇》雖是延續2013年《西遊降魔篇》的故事，但所有角色都換人演出，文章飾演的唐三藏改由吳亦凡（Kris）演出，憑《步步驚心》走紅的林更新演孫悟空，前NBA中國球員巴特爾更突破演出沙僧一角，預告片主要是這些角色的演出，對白也十分有「星爺feel」，如唐三藏無厘頭說：「我的如來神掌多厲害，因為我低調我也不說。」並繼續配以《功夫》的配樂，難免令人覺得星爺仍在消費《功夫》的笑料。不過預告片的亮點並非電影片段，而是最後的星爺和徐克對談。
為宣傳新片，戲內冇份演出的星爺和徐克已多次亮相谷戲，繼上次和女主角姚晨一起唱《PPAP》，今次星爺竟公開挑戰導演徐克，看完預告片即問徐克：「特技鏡頭呢？」誰知徐克竟說：「成套戲都冇特技鏡頭，你冇話要有喎！」星爺即反擊：「唔使話啦，點會冇咁沙pop啫？」兩人你一言我一語，最後星爺掩着耳朵不想再聽徐克解釋，竟然唱起《430穿梭機》主題曲「一飛衝天去，一飛衝天去，小小穿梭機」，徐克即跟着說：「佢黐咗線呀，快啲搵人嚟啦！」看他們的互動絕對比正片精彩！