【熟女強人】何珮瑜打破性感尺度　孖小鮮肉楊天宇床戰連場

ViuTV電視劇《熟女強人》將周一（28日）首播，劇情講述現今時下的女性多數身兼多職，既要照顧家庭又要兼顧事業，面對不少壓力。何珮瑜（Jeana）日前為劇集拍攝大膽床戲，與對手楊天宇又攬又錫，床戰連場，她笑指呢次打破自己劇集性感尺度：「因為我冇咩拍劇，做咩都會打破紀錄，我今日都着咗四層衫防走光，對手就要騷肌肉，咩都除晒！有一場我唔小心壓住佢大髀筋，痛到佢即刻慘叫。」

點擊圖輯睇《熟女強人》精美劇照！

談起劇中其他女主角都需要外景拍攝，唯獨Jeana大部份場口酒店完成：「可能監製錫我啦，又可能劇本需要，我好多場景都係酒店完成，唔使日曬雨淋係好舒服嘅。」Jeana又話等緊煞科宴，期待與姊妹重聚：「拍呢部劇最難忘係幫人做Spa，因為平時我都係去俾人按，今次就要同曾樂彤、朱鑑然有肌膚之親，劇入面又有埋BB，我現實中都想有個小朋友，而家我都母性大發，可惜我連個盤都冇，可能拍完部劇要公開招婚先得。」