【懷孕四個月】葉翠翠親證造人成功：奶奶幾日瞓唔着

恭喜恭喜！娛圈又多一樁喜事啦！繼日前前港姐冠軍張名雅（Carat ）宣布懷孕後，師姐葉翠翠（Tracy ）亦宣布有喜，今早在社交網站上貼一張兩大一小的金色海馬相，留言：「小生命快來到我們的家庭了。」言語間，造人成功，令夫妻二人開心不已。

去年七月下嫁圈外建築師男友周曉東（Raymond）的她，婚後積極造人，為了能成功懷孕，先前做足甚多功夫，看中醫調理身體，如今造人成功，無疑令夫婦二人喜出望外。《香港01》記者就懷孕一事聯絡翠翠，她親證現今已懷孕差不多四個月時間，被問到得知懷孕一刻心情如何，翠翠就話開心到不得了：「因為係朝早知道，嗰刻好開心，當時老公就返咗工，等佢收工返嚟就話佢知，佢就一開始唔相信，以為我整蠱佢，最後當然開心。」又指當時老公得知將做爸爸，就緊緊相擁，十分高興。

如今將榮升為人母，翠翠亦表示等這一日等好耐，看中醫養好身體，只希望有一個健康寶寶。差不多懷有四個月身孕的她，表示預產期在明年6月左右，再問到翠翠想要兒子還是女兒，她就表示無所謂，但老公的想法就令翠翠哭笑不得：「仔女都無所謂，但老公話似佢就可以。」認真搞笑。

努力最終得到回報，當翠翠將這個消息告知老爺奶奶時，兩老開心不已：「奶奶幾日瞓唔着。」可見，兩老恨抱孫恨出面啊！眾所周知，懷孕婦女在飲食方面都要小心，但翠翠就順其自然：「沒特別戒口，就正常食。」又指現在出街一個多小時後，身體就產生累氣，只好在家多休息。不少好友及粉絲得知翠翠懷孕，都紛紛送上祝福，蔡淇俊、麥長青、陳煒等，粉絲亦恭喜叫翠翠好安胎，期待寶寶出世啊！