星光熠熠耀保良︱林作又諗到新招Sell保險　捐10蚊上善長走馬燈？

「十優港姐」麥詩明舊愛、裕美現任男友林作言行一向出位，經常以各種方法力Sell自己的保險工作，他今日（26/9）便諗出一條「絕世好橋」，透過無綫（TVB）大騷《星光熠熠耀保良》中宣傳自己。晚上，他在社交網站貼出一張電視畫面照片，更寫道：「意思意思」，相中除了有演唱歌曲《說過放下》的菊梓喬，更有善長仁翁名字、捐款銀碼的走馬燈，而走馬燈中竟有明顯改圖後加的「林作保險 10」字眼，令人非常「驚喜」。網民對此反應兩極，有人覺得無聊，亦有人覺有新意：「10蚊可以幫自己宣傳林作保險真係抵到爛！」

另外，裕美今日正式成為業主，購入日出康城的SEA TO SKY單位。林作亦有在Facebook祝賀女友上車：「其實裕美喺我開始做保險嘅同時，開始咗網購嘅事業。6個月後，我買車，你估佢買咩？佢買樓。恭喜32歲成為業主。憑過去6個月個人之努力所得成績，實在令人刮目相看。」又特別註明單位首期幾十萬，裕美一炮過搞掂。

點擊下圖觀看相關圖片：

同場加映：林作麥當勞道4000呎複式單位曝光　梳化輕鬆坐15個人