大S台灣2.4億豪宅室內曝光　簡約風格裝修特設獨立瑜伽房

大S(徐熙媛)身價逾百億台幣，喺台北嘅三個物業總值8.1億台幣。去年有傳大S為咗挽救老公汪小菲嘅酒店事業，於是將婚前買入嘅信義區豪宅「冠德遠見」，以2.76出售，但無人問津，直到今年5月以2.47億台幣（約6,360萬港圓）成交。

位於義區嘅豪宅「冠德遠見」，大S在2011年買入19樓兩個單位並打通，面積約6000尺。近日有網民喺討論區Dcard上載豪宅內部照片，並發文表示「這在裡面躲貓貓可能都找不到人了吧」。照片所見，豪宅裝修走簡約風，客廳有一張能夠容納十人嘅長沙發；主人房仍然留有一張雙人床架，而浴室除有大浴缸外，亦有透明淋浴間，而向來注重養身嘅大S，豪宅內亦設有一間獨立瑜伽房。不過，全屋最特別之處應該是在入口位置，擺有一對熊貓塑像以及兩棵樹，未知是否有特別用意。

點擊下圖睇豪宅內部格局

同場加映：吳婉芳8層獨立屋